تحضير كبده بالقوانص فى صينية بطاطس بالهنا والشفا

مجلة " الست فضيلة " - الشيف هبة أحمد / كوكباد..

= المكوّنات

1/2 كبده فراخ مقطعه قطع صغيره

1/2 قوانص مقطعه قطع صغيره

معلقه خل

3 فص ثوم مهروس

معلقه سمنه

معلقه ملح

معلقه فلفل اسمر

معلقه زعتر

معلقه كسبره

معلقه قرفه

معلقه زنجبيل

1/2 بطاطس مقطعه قطع صغيره

1/2 كيلو عصير طماطم

فلفل اخضر والوان

قطع صغيره بصله كبيره مقطعه

= الخطوات

1- أنا سلقت الكبده والقوانص نص سلقه علشان مش بحب رحته الحاله دى اختيار لكن عايزه تعمليها من غير ما تتسلق تنفع .

2- فى صنيه على النار معلقه سمنه وعليه البصله واشوحهم نص تشويح وبعد كده انزل بالقوانص تاخد تشويحه ونزل بالملح والفلفل والتوابل كله واشوحهم مع بعض .

3- بعد ٣دقايق انزل بالكبده واشوحهم تشويح حلوه يعنى خمس دقايق كده يشربو التوابل كلها وانزل بالفلفل .

4- ثم انزل بالصلصه الطماطم واقلبهم تغلى غلوتين كده وانزل بالبطاطس المقطعه قطع صغيره ونزل عليهم بى شويه ميه تغطى البطاطس وبعد خمس دقايق تدخل الفرن من تحت عشر دقايق من على الوش تاخد الوش ليه انتة عايزه وبالف هنا .

5- أنا عملت جمبها ارز بالشعريه وسلطه .